Sikkim health minister-in Covid-19 kai

25th August, 2020

Sikkim health minister MK Sharma chuan Covid-19 a kai a, a inkhung hrang nghal tih a sawi.

Minister Sharma chuan a Facebook-ah hri a kai thu hi sawiin, amah nena inhnaihna lo nei te chu inkhung hrang a, an sample test tir turin a ngen a ni. Sikkim-ah hian Covid-19 kai hmuh chhuah hi 1,403 an awm tawh a, an zinga 22 chu Pathiannia hmuh tharte an ni.

Director General-cum-Secretary, Health, Dr Pempa T Bhutia chuan hri kai hmuh tharte hi East Sikkim district mi vek an nih thu sawiin, hri kai hmuh tawh zinga 871 chu enkawl dam an ni tawh tih a sawi.

An state-ah hian Covid-19 thihpui hi mi pathum an awm tawh bawk.