Tiam chin awm loin Tripura Health Directorate khar

Tripura sorkar chuan health administrator zingah Covid-19 kai an pun zel avangin Pathianni aṭang khan Agartala-a Tripura Health Directorate chu tiam chin awm loin a khar. 

State health department-a official 22 te chuan hri an kai tih hriat a ni a, thawktu zinga 40 vel chu an inkhung hrang mek bawk. Hei vang hian boruakin ṭhat lam a pan hma chuan thawktute chu in lam aṭanga hna thawk tura tih an ni. 

Tripura-ah hian hri kai hmuh chhuah mi 8,720 an awm tawh a, Pathianni khan mi 331 in an kai tih hriat belh leh a ni a, hemi ni vek hian mi pahnih chu Covid-19 vangin an thi bawk. State chhunga hripui thihpui hi mi 72 an awm tawh a ni. 

Hri kai hmuh tawh zinga 6,182 chu enkawl dam an ni tawh a, enkawl mek mi 2,448 an la awm. Pathianni thleng khan sample  2,41,104 test a ni tawh.