Assam-ah hri kai 90,000 chuang tawh Positive rate 6.89% ah pung

Assam-a Covid-19 kai hmuhchhuah chu 90,740 an tling tawh a, Pathianni khan sample 18,435 test zingah 1,272 an positive a, positive rate hi 6.89% ah a pung a ni. 

Pathianni vek khan hri kai zinga pariat an thih belh leh a, km 48 - 85 inkar an ni. An state-a hri vanga thu hi mi 242 an awm tawh. Hri kai hmuh thar zingah Assam Police-a senior officer pathum an awm a, an zingah hian Tinsukia SP Shioladitya Chetia leh Kokrajhar SP Rakesh Roushan te an tel a ni. 

Hri kai hmuh chhuah tawh zinga 70,900 chu enkawl dam ni tawhin enkawlna hmun aṭanga chhuah tir an ni tawh bawk. 

Barak Valley-ah hri kai an pun chak avangin complete lockdown puan a ngai maithei tih Karimganj Deputy Commissoiner chuan chanchin thar lakhawmtute a kawmnaah a sawi. DC chuan August 26- September 4 chhung complete lockdown puan a ni mai thei tih sawiin, mipuite pawh  hemi atana lo inbuatsaih lawk a, an mamawhte lo lakhawm turin a ti. 

DC chuan Barak Valley huam chhungah hri kai thar leh thihpui an pung chak hle tih sawiin, complete lockdown puan chung­chang hi chief secretary pawh an sawipui tawh a, chief minister-in a pawmsak chuan puan a nih tur thu a sawi.