Arunachal-ah Protected Area regime thlahdul

Arunachal Pradesh sorkarin Protected Area Regime thlahdul a rawtna chu Union Home Ministry-in a pawm.

Protected Area regime thlahdul hi Arunachal Pradesh-a khualzin tam zawk hip nan leh tourism tihchangtlun nana rawt a ni.

Foreigners (Protected Areas) Order, 1958 tlawhchhanin Arunachal state pumpui hi Protected Area Regime-ah dah a ni a, thuneitute hnen aṭanga phalna nei loin foreigner tu mah Arunachal luh phal a ni lo.

State sorkar chuan rampawn khualzin mite tan tour circuit hawn a rawt bawk a, hei hi sorkar laipuiin a ngaih­tuahsak mek a ni. Arunachal sorkar chuan tourist circuit hi Margerita, Jairampur, Nampong, Manmao leh Pangsau Pass-ah te hawnbelh a rawt a ni.

Protected Area Permit lak tihawlsam nan New Delhi-a Resident Commissioner bakah Kolkata leh Guwahati-a Deputy Resident Commissioner te chu rampawn khualzin mite hnena permit pekchhuah phalna an pe bawk.