Nagaland BJP-in NPF MLA te inrem turin ngen

Nagaland assembly-a Naga People's Front (NPF) thawhpui, BJP chuan NPF MLA te chu inrem turin a ngen.

BJP MLA, Parliamentary Secretary for Infor­mation and Public Rela­tion and Transport P. Pai­wang Konyak chuan NPF MLA te chu inngaidam­tawn tura ngenin, mipui rawng bawla thawk ho turin a ngen.

Paiwang chuan MLA te chu Nagaland Legislative Assembly-a lakluh an nih dawnin Pathian leh Naga mipuite hmaa thu tiam la a nih thu a tarlang bawk.

Paiwang hian Nagaland assembly-a rorelai party NPF buaina chung­chang chu Central BJP hotute hnena thlen tumin Del­hi-ah a kal a, BJP hruai­tute chuan ṭan lam nei lo tura an hrilh tih a tarlang.

NPF party chhung buai­naah Central BJP hruaitute hnen aṭanga thu dang a hmu a nih loh chuan ṭan lam nei loa kal zel a tum thu Paiwang chuan a sawi bawk.