Manipur Dy. CM-in venhimna a ṭha tawk a ti

Manipur deputy chief minister Gaikhangam chuan tun hnaia Manipur hmun hrang hranga bomb puak chungchangah venhimna ṭha lo nia sawi chu a pha a, venhimna a ṭhat tawk thu a sawi.

Kar kalta, January 21 aṭanga January 26 thleng khan Manipur police te'n bomb puak leh bomb kam case 22 an chhin­chhiah a, heng case-ah hian mitthi erawh an awm loh thu an tarlang bawk.

Police te chuan bomb tipuaktuah helpawlte puhin, Republic Day lawmnaa mipuite teltir loh an duh vanga bomb tipuak an ni, an ti.

Manipur-a hel pawl panga inzawmkhawm, CorCom chuan kumin Republic Day kha an boycott a ni.

Gaikhangam chuan hel pawlte'n an awm a ni tih tarlan nan bomb an tipuak a ti a, hel pawlte thiltih chu an hlauh loh thu a sawi bawk.