MLA lungawilote chhanglet turin EC-in Shurhozelie Liezietsu a hriattir

30th January, 2015

Nagaland-a Naga People's Front (NPF) MLA lungawi lote'n petition an thehluh chu chhanglet turin Election Commission of India chuan party president Shurhozelie Liezietsu a hriattir.

NPF MLA lungawi lote hian Nagaland-a rorellai NPF party neitu nihna an chuh a ni.

EC chuan Thawhlehni khan hriattirna hi Liezietsu a pe a, February 16 hmaa sawifiah turin a hriattir a ni, tiin NPF MLA lungawi lo pawl hruaitu Nuzota Swuro chuan thuchhuah a siamah a tarlang.

NPF MLA lungawi lote hian January 22 khan EC hnenah petition thehlutin, an pawl president Noke Wangnao-a kaihhruai chu NPF party neihtu nihna pe turin an ngen.