Delhi-ah hmarchhak zirlaite tan hostel siam dawn

Ministry of Development of North Eastern Region (DoNER) chuan hmarchhak zirlaite tan New Delhi-ah hostel siam an tum thu DoNER Minister Jitendra Singh-a'n a sawi.

Hmarchhak state pariat Resident Commissioner te meeting-ah DoNER Minister Singh chuan he thu hi a sawi. Meeting chuan hostel hmun ngaihtuah turin hmarchhak state Resident Commissioner office aiawhte telna leh DoNER Ministry aiawhte telna sub-committee din a rel.

DoNER Minister chuan hostel dinna hmun chu a pawimawh thu sawiin, kalpawh awlsam leh zirlaite tana hmun him thlan thiam a pawimawh thu a sawi a, hostel hmun atana an lo hual lawk tawhte chu bawhzui turin a hriattir bawk.

Hmarchhak state pariat Resident Commissioner te chu DoNER Ministry nena inlaichinna ṭha siam turin Minister Singh chuan a ngen bawk a, hmarchhak hmasawnna atana project hrang hrang an ruahmanah Resident Commissioner te ngaihdan hriat a duh thu a sawi bawk.

DoNER Minister Singh chuan Resident Com­missioner chu an state mi Delhi-a awm te chanchin tlangpui chhin­chhiah ṭheuh turin a hriattir bawk a, chu chu DoNER Ministry-in Delhi-a hmarchhak zirlai, hmeichhia leh tar te hmasawnna atana rua­hmanna a siam kawng­ah a puih dawn a ni, a ti.