Manik Sarkar-a'n ṭhangtharte hmun kian turin Party hruaitu senior-te a ngen

Tripura chief minister hlui leh eptu pawl, Communist Party of India-Marxist (CPI-M) hotu Manik Sarkar chuan an party-a hruaitu upa leh senior zawkte chu ṭhangtharte tana an hmun kian turin a ngen. 

Kar liam ta Inrinnia CPI- party  din champha lawmna, Agartala-a Town Hall-a neihah, CM hlui chuan an party-ah ṭhalai zawk, mi thiam tam tak leh mipui zingah pawh tla na tak tak an awm chho mek tih sawiin, heng mite tana kawng lo  hawn sak chu thil pawimawh tak a ni, a ti. 

"Senior leader-te chuan hma lak chhoh zel chu zuam viau ṭhin mah se an thain a tlin tawh lo ṭhin. Hei vang hian an dinhmunte chu midang tana an ken a ngai tawh a ni. Kum upat lutuk leh thih thlenga hruaitu dinhmun chelh duh ringawt hi thil ṭha  ber a ni lo a, ṭhalai zawkte tan hmun siam a ngai a ni," tiin Sarkar chuan a sawi. 

CPI-M Politburo member ni mek, Sarkar chuan an state chhung dinhmun te,  harsatna an tawh mek chungchangte pawh a sawi lang bawk. "Democracy chu dinhmun derthawng takah a awm mek a, mipui rorelna tungding turin kan bei a ni,"a ti a,  hemi atana an beihna kawngah party hruaitute chu mipuite nena inzawmna leh thawhhona ṭha tak siam turin a fuih nghal bawk.