Meghalaya : High school zirlai sikul bansan an tlem theih nan hma la

Meghalaya education minister Rakkam A Sangma chuan state chhung high school zirlai zinga sikul chawlhsan an tlem theih nan Meghalaya sorkar chuan hma a la dawn tih a sawi.

Unified Digital Information on School Education (UDISE) in kum 2021-22 atana zirchianna a tihchhuahah Meghalaya chu India rampum huapa dropout rate sanna pawl a ni tih tarlan a ni. State chhung hmun ṭhenkhat chu zirnaah hian hnufual bikin Garo Hills region-ah chuan Secondary School Leaving Certificate (SSLC) a zirlai pass chu kum nga chhung 37% vel bawrah a awm tawh a ni. Hetianga zirna kawnga harsatna an tawh avang hian state sorkar chuan hma a la dawn a ni.

Meghalaya sorkar chuan sikul kal an tam theih nan hian zirlaibu a siamṭhat bakah zirna-inte chu a cheihnum thar a ni. Minister Sangma chuan zirna kawnga district hnufual zualten hma an sawn theih nan hma an la mek tih a sawi bawk. Hei mai bakah hian zirlaibua QR code dah thar a ni tur chu zirna kawnga hmalam an pan theih nana ti an ni a, he hmalakna hi thingtlang lam zirlaite tan a ṭangkai lehzual beisei a ni. Zirlaibua QR code chu scan in zirlai hrilhfiahna video a en theih ang. Minister chuan he system hmang vek hian hna zawn nana ṭangkai zawhna hlui chhannate pawh a en theih dawn tih a sawi.