NGT-in report thehlut turin M'laya sorkar a hriattir

National Green Tribunal chuan Meghalaya-a lungalhthei laihchhuah dan chung­changa state sorkar hmalakna hriat duhin, Ningani khan report thehlut turin a hriattir.

Lungalhthei laih­chhuah danah Meghalaya-ah hian 'rat hole mining' kalphung hman a ni a, NGT chuan rat hole mining chu a him tawk lo tiin nikum April khan hetianga lungalhthei laichhuah hi a khap a ni.

NGT chuan state sorkar chu scientific leh tun lai thiamna hmanga lungalhthei laih­chhuah dan rintlak zawk dap turin a lo hriattir tawh bawk.

Justice U D Salvi awmna tribunal bench chuan lungalhthei khur neitute chu chhiah an la pek lohte ni 14 chhunga pe tlak vek turin a hriattir bawk a, chhiah pe tawhte chu February 11 thleng hian lungalhthei an laihchhuah sa te phurchuah a phalsak bawk.

Tribunal chuan lung­alhthei laihchhuah a khapna kaihhnawiha kalphung thar a siamte weigh bridge leh lungalhthei khurah te a takin kalpui a ni em tih enfiah turin environment commissioner panga a ruat bawk.