Answer paper tibotu associate professor suspend

Guwahati, Arya Vidyapeeth College-a associate professor, Dr Karabi Kar chu TDC third semester zirlai163 exam chhanna paper a tihbo vangin Assam Directorate of Higher Education-in a suspend.

College Principal Saibal Sengupta chuan January 24-ah Dr Karabi Kar-i'n answer paper te check tura an ina a hawn laiin a tibo a ni, a ti.

"Dr Kar chuan January 24 khan an ina check turin answer paper te hi a hawn a, a hawn kawngah rickshaw a kalin, Paltan Bazarah a tibo niin a sawi. Paltan Bazar police station-ah FIR thehluh a ni." tiin Principal Sengupta chuan a sawi.

Answer paper tibotu, Dr Kar-i hi Education department-a associate professor a ni a, Arya Vidyapeeth College-ah hian kum 1982 aṭangin a thawk ṭan tawh a ni.

University Grant Commission (UGC) norms-ah zirtirtute hi mahni ina answer paper hawn phalsak an ni lo a, college hmuna check tura tih an ni. Answer paper pakhat en manah cheng 30 pek an ni bawk.

Principal Sengupta chuan answer paper chu eng vanga Dr Kar-i'n hawn nge a nih tih zawhna chhangin, UGC kalphungah answer paper chu hawn phal loh ni mah se college chawlh laiin zirtirtute'n hun an neih tam loh vangin ṭhenkhatin an inah an hawn ṭhin thu a sawi.