NIA-in Naga police officer 5 lakah chargesheet a thehlut

31st January, 2015

National Investigation Agency (NIA) chuan Nagaland police officer panga lakah chargesheet a thehlut.

Police officer te hi helte hnena ralthuam peah puh an ni a, hemi kaihhnawihah hian NIA chuan Special NIA court, Dimapur-ah chargesheet a thehlut a ni. Police officer te hi Enyimi Chakhesang, Sejongmong Sangtam, James Ovung, Longlise Sangtam leh Sashitsungba Longcher te an ni a, an zingah hian superintendent of police (SP) pakhat a tel a, midang pali te hi SDPO rank vek an ni.

NIA-in thubuai a chhuinaah kum 2011-2012 chhung khan lehkha siamchawp hmanga Wokha district police te ralthuam dahna aṭanga ralthuam tam tham tak lakchhuahnaah police officer panga te hi an inhnamhnawih tih hmuhchhuah a ni.