Tripura-ah khualzinte hip nan City Gate siam tum

Agartala Smart City (ASC) advisory committee chuan khualzinte hipna atan leh Tripura mawina pholanna atan  Agartala luhka, Khayerpur leh Amtali-ah City Gate siam a tum. 

Advisory committee chairman Dr Dilip Das chuan Agartala entry point pahniha gate siamna tur hmunte pawh hi enfiah tawh a ni tih sawiin, heng gate-te hi mawi takin,  Tripura tradition lantir thei zawnga siam tum a ni, a ti. 

Agartala Smart City hnuaiah hian project 66 siam mek a ni a, heng project hrang hrang thawhna tur hian cheng vaibelchhe 2,000 ruahman niin, kum 2023 kumtawpah chuan project ho hi zawhfel hman vek tum a ni.