Sikkim sorkar-in ‘Heritage Trees’ puang

Sikkim sorkar chuan an rama thing chi hrang 21 zet chu ‘Heritage Trees’-ah puangin, heng thing te hi kih leh tih-chhiat phal a nih loh thu an tarlang. ‘Heritage Trees’-a puan te hi hman aṭanga tun thlenga cul-ture-a pawimawhna nei te an ni hlawm. Sikkim Forest secretary Thomas Chandy chuan, "State sorkar chuan environment humhalh kawngah nasa takin hma a la mek a, kan ni tin nuna nghawng a neih avangin kan ngaih pawimawh a ngai tak zet a ni. A bik takin ‘Heritage Trees’-a puan tak te hi dimdawi taka kan humhalh a ngai a ni" a ti. ‘Heritage Trees’ Bajrat, Tooni, Rani Champ leh a dangte hi Forest Deparment chuan chhinchhiahna a siam ang a, a enkawl hna an thawk dawn bawk a ni.