India rama a hmasa ber turin Sikkim Varsity-ah Bhutia, Lephcha, Limbo tawng zirna hawn a ni

University Grants Commi-ssion (UGC) chuan Sikkim University-ah kumin aṭang hian Bhutia, Lepcha leh Limbo ṭawng zirna kalpui ṭan a remti. Course hi kum hnih chhung zir tur a ni a, kumin August aṭang hian kalpui
ṭan dawn a, zirlai 20 tan a zir theih dawn a ni.

Sikkim University Assistant registrar Grace Chankapa chuan, "Sikkim University chu India rama Bhutia, Lepcha leh Limbo ṭawng zirna (post-gra-duate) hmasa ber a ni dawn ta a ni. Limbo ṭawng bik hi United Nations Educational, Scientific and Cultural Organization (UNESCO) pawhin ṭawng a humhalh bik tlem te zinga mi a ni" a ti. Tun dinhmunah Sikkim University hnuaiah hian College 12 an awm mek a, post-graduate course 29 awmin, heng zingah hian Nepali ṭawng zirna pawh a awm. Bhutia, Lepcha leh Limbo ṭawng te hi languages at under-graduate level-ah college pathumah zirna hawn a ni tawh bawk. University Vice-chancellor T.B. Subba chuan he cousre hawn a nih theih nan hian UGC-ah ziakin a thlen a, anni hian an lo remti ta a ni. Kumin April khan PG courses zir a nih theih nan hian Bhutia, Lepcha leh Limbo hnamte hian Union minister of state for human resource development, Ram Shankar Katheria hnenah memorundum an thehlut tawh a ni.