BSF-in Mi-17 Chopper Base Guwahati-ah din dawn

Border Security Force (BSF) chuan Mi-17 Chopper Base Guwahati-ah bun turin hma a la mek. Hei hi boruak lama India leh a bik takin hmarchhak venhimna tura hmalakna tura tih a ni.

BSF te hian Lokapriya Gopinath Bordoloi Airport-ah an din mek bawk a, hna hi zawh fel a ni ṭep tawh. Ram venhimna atan Russian siam Mi-17 helicopter te hi hman a ni a, Chopper Base hi din a nih thuai beisei a ni. Ruahman dan chuan Chopper base hi pathum dah tura tih a ni a, beihpui thlak nan te, chhiatrupna thlen thulha inven nan leh a bikin Indo-Bangladesh bakah Indo-China border-a duty te mamawh pek nan te hman tur a ni ang. BSF hian Tripura-ah Dhruv Advanced Light helicopters station an din tawh bawk. Mi-17 chopper te hi India sorkar-in a hman lar ber te zinga mi niin, Indian Air Force leh BSF te hian an hmang ṭangkai hle a ni.