Manipur-ah kawngpui dan tihtawp a ni

Ni 10 chhung zet Mani-pura National Highway te dan a nih hnuah Pathianni khan tih tawp a ni ta.

Anti-Tribal Bills duh loa kawng dan huaihawttu Joint Action Committee te chuan mipuite thlawpna-ah lawmthu an sawi a, rah ṭha a chhuah ngei an rin thu an sawi. Manipur-a tribal chenna bial Senapati, Kangpokpi, Motbung, Ukhrul, Tamenglong, Chandel, Singngat, Chura-chandpur leh hmun dangah te kawng dan hi kalpui a ni. JAC te chuan, Protection of Manipur People’s Bill, 2015 chu India President leh sorkar laipuiin a hnawlsak avangin lawmthu an sawi a, ‘anti-tribal’ Bills chu hmang lo tura an duh thu an sawi. Hetih lai hian Joint Committee on Inner Line Permit Systems (JCILPS) leh Manipur sorkar chuan Meitei te chu Scheduled Tribe list-a telh turin MoU an ziak tawh a ni.