Assam-ah Zirtirtu 7,234 dah ngheh an ni

Assam sorkar chuan Pathianni khan Teacher Eligi-bility Test paltlang zirtirtu 7,234 te chu dah ngheh an nih tur thu a sawi. TET zirtirtute hi state chhunga district 10-ah sem darh an ni ang.

Assam Education minister Himanta Biswa Sarma chuan, "Zirtirtute awmna tur hi rualkhai zawka kalpui a nih theih nan, computer random lottery system hman a ni. Western Assam-a Barpeta district-ah chuan lottery hi vawi li lai tihnawn a nih bakah, RTI hmanga zawhna awm thei lak inven nan video-a record vek a ni" a ti. Appointment letter chu Education website-ah tarlan a ni dawn a, zirtirtute chu June 27-ah an awmna hmun tur ṭheuhah an hna zawm tura hriattir an ni. Zirtirtute 2,619 te chu western Assam Dhubri district-ah dah an ni a, Darrang district-ah 48, Barpeta 840, Bongaigaon 587, Cachar 209, Goalpara 355, Karimganj 708, Morigaon 801, Nagaon 875 leh Tinsukia-ah 192 te an ni. Candidate 38,000 zinga 7,234 te chuan Eligibility Test (TET) hi an paltlang a ni.