Guwahati Railway Station-ah Solar power hmang dawn

Northeast Frontier Railway (NFR) chuan Guwahati Railway Station-ah solar power hmang turin hma a la mek a, Haflong-ah pawh wind power hmang turin ruahmanna kalpui mek a nih thu an tarlang.

Official-in a tarlan dan chuan NF Railway Lumding Division chuan inremna Memorandum of understanding (MoU) chu Container Corporation of India leh Central Electronics Limited te nen an ziak tawh a, Guwahati Railway Station-ah KW-700 power grid station bun a ni ang. Hei hi NF Railway hnuaia solar power hmanna station hmasa ber tur a ni ang. Project hi Container Corporation leh Central Electronics Limited ten an thawk dawn a, hna thawh zawh a nih aṭanga kum nga chhunga enkawl zui nan vaibelchhe 6.77 ruahman a ni bawk. Project hi nakum Frebruary-ah zawh hman tura tih a ni a, a hlawhtlin dan a zirin railway station dangah pawh hmang chho ahian Railways thuneitute chuan Haflong station-ah wind power hman a nih theih nan hma a la mek tih tarlan a ni bawk.