Meghalaya : CM Connect ṭum hnihna neih a ni

Meghalaya chief minister Conrad Sangma chuan mipuiten an harsatna a hnena an sawi theih nana hun a siamsak, 'CM Connect' programme chu a ṭum hnihna atan Bhoirymbong, Ri-Bhoi district-ah a hmang.

CM Connect neihna hmuna chengte hian an harsatna chu Chief Minister Sangma hnenah, midang kaltlang loin an thlen thei a ni. He programme hi mipuite harsatna sutkian leh nitin mamawh phuhruk a nih theih nan buatsaih ṭhin a ni. Bhoirymbong, Ri-Bhoi district-a neihah hian mipuite chuan kawng chhia, zirna, tui leh eng chungchanga an harsatna neihte CM hnenah hian an thlen a ni.

CM Sangma chuan mipuite harsatna tawh sukiang turin sorkar chuan ṭan a la mek tih sawiin, Bhoirymbong hmuna chengte chu an harsatna thuneitute hnena an thlen tawh chung pawha hmalakna a la awm lo a nih chuan complaint thehlut turin a chah a ni. Meghalaya CM chuan,"Mipuite harsatna ngaithla tur leh ching fel turin kan inpeih reng a ni," a ti. Sangma chuan thuneitute chu mipuite tana hna ṭha taka thawk tur leh, an harsatnate dawhthei taka ngaithla a hma la ṭhin turin a chah.