Meghalaya-ah hripui thihpui 13 awm tawh

Meghalaya-ah Nilaini khan Covid-19 vangin mi pakhat a thih belh leh a, hripui vanga thi hi mi 13 an awm tawh. 

Nilaini khan hri kai hmuh thar mi 77 awm lehin, an state-a hri kai hmuh tawh hi mi  2,517 an tling tawh.  An zinga mi 1,319 chu enawl dam an ni tawh a, hri kaimek 1,189 an la awm. Nilaini vek khan hri kai enkawl dam 83 an awm a, ni khata hri kai dam an tam ber ni a ni. 

East Khasi Hills chu district zingah hri kai tamna ber niin, hri kai mek hi 813 an la awm a, West Garo Hills-ah 118, East Garo Hills-83, Ri-Bhoi-71, West Khasi Hills-45, East Jaintia Hills-23, South Garo Hills-19, North Garo Hills-ah pakua, South West Garo Hills-ah pathum leh West Jaintia Hills-ah pahnih an awm. 

Nimin thleng khan state pumah sample 92,453 endik a ni tawh.