Assam sorkarin Golaghat-ah university thar din dawn

Assam sorkar chuan upper Assam-a Golaghat-ah Chutia dynasty hnuaia lalnu hnuhnung ber, Sati Sadhani hming chawiin university thar a din dawn. 

University thar dinna tur Bill hi Nilaini khan Assam Legislative Assembly chuan a pawm a ni. 

Education minister Dr Himanta Biswa Sarma chuan university hi lalnu hriatrengna atan din a ni dawn tih a sawi. He university hi National Education Policy thar hman a nih hnua an state-a din hmasak ber tur a nih thu sawiin, guideline thar hi hman a ni nghal dawn tih a sawi bawk. 

Minister chuan Golaghat district-ah chuan academic insti­tution a awm tam lo tih a sawi a, hei vang hian sorkar pawhin a hmain engineering college a lo din tawh thu a sawi.