Arunachal-ah Medical College din dawn

Arunachal Pradesh Chief Minister Kalikho Pul chuan Thawhṭanni khan state sorkar chuan Medical College din turin hma a la mek a, state chhunga medical college hmasa ber tur hi nakum chhungin din hman a beisei thu a sawi.

Medical College din tura hmalak mekna leh Tomo Riba State Hospital hmalakna te thlirho a ni a, he hun hmanpuitu Chief Minister chuan Department of Health & Family Welfare, Noida executing agency leh Hospital Services Consultancy Corporation Ltd te chu khum 300 awm theihna tur Tomo Riba State Hospital sak mekah chak zawka hma la tura a duh thu a sawi. Tomo Riba State Hospital sak zawh hun atan hian August 15 thleng hun pek a ni a, medical facility leh equipment awm tura tih te chu a nih tur anga peih fel vek hman tura tih a ni. Pul chuan State PWD chu metre 110-a thui Bailey bridge, Pachin lui-a dawh tur chu kum khat chhunga zo hman tura hriattir an nih thu a sawi a, Pachin Colony-a medical college din tur pawh hna ṭan thuai a nih tur thu a sawi bawk.