Kolasib DCSO man a ni

Food, Civil Supplies & Consumer Affairs (FCSCA) department-a Kolasib DCSO, Biakthan-sanga Sailo chu mi vaua puhna thubuai thehluh a nih avangin nimin khan Bilkhawthlir police-te'n an man a; Kolasib-a Chief Judicial Magistrate hmaa hruai a nih hnuah nimin vek khan bail-a chhuahtir a ni.

Thu dawn danin, Kolasib DCSO hian May 15, 2016 khan a thawh-pui mi pahnihte nen Bil-khawthlir thlen hma, Bawngbuk an tih hmunah gas tihchingpen lai an man a; hemi ṭum hian a bul hnai thláma riakte chu gas tichingpentu an nia ngaiin DCSO chuan pistol-in a tin a, kawr pawh ha mumal loin police station-ah a hruai nia sawi a ni.

Kolasib DCSO chêt dan avang hian Lalfak-zuala, Bilkhawthlir chuan DCSO lakah Bil-khawthlir Police Out-post-ah FIR a thehlut a ni. Biakthansanga Sailo hi Kolasib CJM chuan July 1, 2016-ah Court inlan leh turin a ti a ni.