Tripura : BSF-in Bangladesh ramriah venhimna a tikhauh

Border Security Force (BSF) chuan Indo-Bangla ramri, Tripura-ah Bangladesh tualchhung buaina vanga ramri kan an tam loh nan venhimna uluk lehzualin an kalpui.

Tripura-ah hian Bangladesh ramri thui tak a awm vangin dan phal loh thil ti ṭhinte chuan buaina hi remchangah hmangin India ram rawn luh nan an hman a hlauhawm a, hei vang hian venhimna pawh khauh zawka kalpui a ngai a ni. Ramria-ah hian BSF sipai tam zawk dah luh belh niin senoir commander-te pawh tirh luh an ni.

BSF chuan Indian zirlai 8,000 chuang Bangladesh-a awmte chu him taka an haw theih a pawimawh tih tarlangin , heng zirlai tam zawk hi medical college zirlai an nih thu leh Comilla, Brahmanbaria leh Dhaka-a awm an tam ber tih an tarlang. Bangladesh aṭang hian Agartala leh Srimantapur-a Integrated Check Posts (ICPs) leh Land Customs Stations (LCSs) kaltlangin mi tam tak India-ah an rawn lut tawh a, heng zinga a tam zawk chu India khua leh tui niin ramdang mite pawh an tel ve bawk.