BJP nen kan thawk ho lo ang : Meghalaya CM

Meghalaya chief minister leh National Peoples' Party (NPP) national president, Conrad Sangma chuan hmalam hunah India rama rorellai, Bharatiya Janata Party (BJP) chu thawhpui tumna an nei lo tih a sawi.

NPP chuan an president thusawi hi social media lamah tarlangin, ramchhung politics-a an party ṭanhmun tarlan nan an hmang nghal a ni. Sangma chuan inthlan awm leh turte pawh party dang thawpui loin NPP chuan anmahniin an hmachhawn dawn a ni, a ti. Meghalaya-a sorkar lai NPP hi BJP chuan thlawp mekin Lok Sabha inthlanah pawh Shillong leh Tura biala NPP candidate te chu an thlawp a, mahse hnehna an chang zo lo a ni.

Meghalaya CM hian Manipur buaina chungchang pawh sawi langin, sorkar laipui chu a inrawlh a ngaih thu leh hmanhmawh a ngaih thu a sawi. Arunachal Pradesh-a NPP MLA thar panga leh Conrad Snagma chu an inhmukhawm tih NPP chuan a tarlang bawk. Sangma hian Arunachal-a NPP MLA tharte lawmpuina hun buatsaihah telpuiin hemi hnu hian MLA-te nen hian hmalam huna hma an lak dan turte sawi ho a ni.