Nagaland : Lirthei leh phone bo thubuai online-in thehluh theih

Nagaland police chuan lirthei ruk bo leh mobile phone ti bo emaw ruk bo vanga complaint thehlut duhte tan online hmanga tih theih a ni dawn tih an tarlang.

Thuchhuah siamin, Nagaland police chuan mipui zingah mi thil ruk lei palh an awm ṭhin a, heng bungruate hi ruk a ni tih hre loa lo lei mai ṭhin an awm vangin police chuan thil ruk database mipuite en theih tur siamin hetah hian an thil lei chu ruk a ni em tih a leitu tur chuan a enfiah thei dawn a ni, an ti.

Lirthei emaw mobile phone ruk bo sak emaw te tan police station-a kal kher ngai loin online in complaint a thehluh theih dawn tih an tarlang bawk. Nagaland police chuan online hmanga complaint thehlut turin mipuite chu an ngen a, an lirthei emaw phone bo emaw vanga insurance dawng theite tan erawh police station-ah ngei ziakin complaint thehluh a ngai tih an tarlang.