Sikkim : Khualzin phurtu lirthei tan garbage bag pai tel a ngai

Sikkim tourism and civil aviation department chuan thupek tichhuakin, state chhung tlawh tura lut, khualzin phurtu lirthei chuan garbage bag lian tak an pai tel a ngai tawh dawn a ni.

Sikkim Tourism department chuan he hmalakna hi khualzinte tlawh ṭhin hmunhmaa, environment tihchhiat a nih loh nana ti an ni tih tarlangin a hlawhtlin theih nan mipuite thlawpna an mamawh thu an sawi. Tour operators, travel agencies leh lirthei khalhtute chu garbage bag hman dan tur chungchanga khualzinte thil hrilhhre tura mawhphurtu an ni tih a tarlang bawk.

Tourism department chuan an thupek zawm a ni em tih hre turin sawi lawk loin lirthei endikna an kalpui ṭhin dawn a, lirthei chhunga garbage bag dah lohte chu hrem an ni dawn tih an sawi. Sikkim sorkar hian an ram tlawhtu khualzinte chu bawlhhlawh paih fimkhur a ṭulna leh environment humhalh a ṭul zia zirtirna hun neihpui ṭhin a tum bawk a ni.