Guwahati journalist te'n police lakah lungawi lohna lantir

Guwahati-a journalist te chuan Inrinni khan police te lakah lungawi lohna lantirin nawrh an huaihawt.

Journalist te chuan Latasil Police station-ah hmeichhe news reporter pakhat chu police te'n kut an thlak niin an sawi.

"Hmeichhe news reporter hi DY365 TV-a thawk niin, Inrinni chhun dar 12.15 khan police station-ah hian news lak tumin a kal a, police te phalnaa police station chhung a luh hnuah station compound chu thla a la a, a chhuah dawnah Sub Inspector Samsuddin Ahmed leh OC chuan kut an thlak a ni," tiin journalist te FIR thehluh chuan a tarlang.

News reporter chunga thilthleng vanga lungawi lo journalist te chu police station kawtah an pungkhawm nghal a, an lung­awi loh thu an tarlang.

DY365 Executive Editor Pranay Bordoloi chuan media mi leh sate himna atan thilthleng chu state sorkar thuneitute thlen a tum thu a sawi.

DCP Crime Swapnanil Deka chuan thilthleng chu chhuichian a nih tur thu sawiin, pawikhawihtu chu dan hmanga hrem a nih tur thu a sawi.