Manipur-a bandh-in nunphung tikhaihlak nasa

Manipur, Chandel district-a Tengnoupal Village Authority te'n tiamchin awm loa bandh an huaihawt chu kar kalta Zirtawpni khan ṭan a ni a, Imphal leh Moreh inkalpawhna kawngpui dan chah a nih vangin nunphung a tikhaihlak nasa hle.

Tengnoupal khawtlang hruaitute chuan an khaw huamchhungah Assam Rifles te zalen taka dah an nih vanga an lungawi lohna lantir nan Assam Rifles te lachhuak tura sorkar phutin tiam chin awm loin bandh an huaihawt a ni. Bandh hi Assam Rifle te lakchhuah a nih hma chuan chhunzawm zel an tum.

Kuki Student Organization (KSO) chuan Tengnoupal Village Authority te hi an thlawp thu an tarlang.

Bandh huaihawt ni hnihna Inrinni khan Imphal-Moreh kawngpui hi hmeichhe rualin an dang chat leh a, lirthei veivakte dan chah leh an ni a, damlo hruaite erawh enfiah an nih hnuah kaltlangtir an ni. Bandh-ah hian thil duhawmlo thleng hriat a la ni lo.