Union Minister-in Mawphlang khaw mipuite hun hmanpui

Union Minister of State for Drinking Water and Sanitation Ram Kripal Yadav chuan Pathianni khan Meghalaya, Mawphlang khaw mipuite hun a hmanpui a, thingtlang mipuite hian minister hnenah an harsatnate an thlen.

Shillong Water Supply Scheme kalpui mek a hmun­ah endikin Union Minister Yadav hian Mawphlang a tlawh a, Mawphlang Nongrum khaw mipuite a kawm zui nghal a ni.

Khaw mipuite'n an harsatna an thlen zinga a langsar zual chu college awm lote, Community Health Centre-a doctor awm lote leh intihhlimna hmun awm lote a ni.

Union Minister Yadav hi in pakhatah lutin, in neitu chuan kuhva a lo ṭheh a ni. In neitu chuan UNion Minister-in a chenna in a tlawh a rin ngai loh thu sawiin, an khuaah chutiang chuan minister te'n mi in an la tlawh ngai loh thu a sawi.

Mawphlang Nongrum khaw nu pakhat chuan Minister-in an tan hun a hman chu khaw mipuite'n an hriat reng tur thu a sawi a, "Union Minister chuan kan harsatnate min hriatthiampui a ni," a ti.

Minister Yadav chuan Prime Minister Narendra Modi-a'n a hriattir angin thingtlang khaw mipuite harsatna hriatpui turin thingtlang khua a tlawh thu a sawi.

Prime Minister Modi hmalakna hnuaiah Development of North Eastern Region (DoNER) Ministry chuan Union Minister te tan hmarchhak state tlawhna programme a siam a ni.

Central-a NDA sor­kar chuan Total Sanitation Scheme hnuaia India rampum thin­tlang khuate tana inthiarna leh tui thianghlim dah­khawlna atana sum a pek chu cheng 3,000 aṭangin cheng 12,000-ah a tipung bawk.

Union Minister Yadav chuan sorka­r­in eirukna chu a palzam mai loh tur thu sawiin, hmasawnna project kalpui mekte sorkar laipui official leh mithiam te'n a hmunah an endik zel ang, a ti.