Guwahati-ah Clean Brahmaputra mission tlangzarh

Brahmaputra lui thenfai nan Aaranyak leh Scientific and Industrial Research Organisation ṭangrual chuan Clean Bhahmaputra mission an tlangzarh.

Environment humhalhtu pawl, Aaranyak chuan Brahmaputra luia rannung chengte humhalh a nih theih nan leh mipuite'n an hlawkpui zawk beiseiin, lui thenfai beihpui thlak an tum a ni.

Mission Clean Brahmaputra project hotu Dr Abdul Wakid chuan an hmalakna chu tual­chhung mipuite'n an thlawp ṭhat thu sawiin, Brahmaputra lui leh a chhehvelte chu vawng fai a pawimawh thu tam thei ang bera thehdarh an tum thu a sawi a, lui kam vela chengte pawh zirtirna pek an nih tur thu a sawi.

Clean Bhahmaputra mission hi a hmain Dibrugarh University Vice-Chancellor Dr A K Buragohain-a'n Uzanbazar Ghat-ah a lo tlangzarh tawh a, zirna-in hrang hrang 12 aṭangin zirlai 250 chuang telin, Guwahati khawpui leh a chhehvel huam china Brahmaputra lui leh lui kamte an thianfai a ni. He hmalakna bawhzui nan Brahmaputra lui hmun 30 velah thenfai hnatlang thawh leh an tum.