Manipur-ah bandh chhunzawm zel

Manipur, Chandel district-a Tengnoupal Village Authority te'n kar kalta Zirtawpni aṭanga tiamchin awm loa bandh an huaihawt chu sorkar nena an inbiakna a hlawh­chham avangin chhunzawm zel a ni a, Imphal-Moreh inkalpawhna kawngpui, National Highway-102 pawh dan chhunzawm zel a ni.

Tengnoupal khawtlang hruaitute chuan an khua leh a chhehvela sorkar­in Assam Rifles a dahte lachhuak turin an phut a ni.

Pathianni khan state sorkarin Tengnoupal khawtlang hruaitute chu Imphal-ah Chief Minister level-a inbiakna a neihpui a, thutlukna mumal tak an siam thei lo a ni. Chief Minister, Deputy Chief Minister leh sorkar official te chuan bandh chu titawpa, an thil chu ngaihtuahsak an tiam a, mahse khawtlang hruaitute chuan Assam Rifle te lakchhuah phawt an phut thung a, hei hi state sorkarin a puitlin thei lo a nih chuan Assam Rifle officer commanding sawnchhuak turin sorkar an phut leh a ni.