Manipur MLA lungawi lote'n ministry siksawi an phut

Manipur-a rorellai Congress party MLA lungawi lote chuan Chief Minister Ibobi Singh-a kaihhruai ministry siksawi phutin, Delhi-a party thuneitu sangte hnenah an thil phut thlen an tum.

The Hindu chuan Congress MLA lungawi lote hi tunah Delhi-ah an cham mek niin a tarlang a, an an thil phut a puitling lo a nih chuan na zawka hmalak zel an tum thu leh Congress party chhuahsan hial an duh thu a tarlang.

Chief Minister Ibobi-a'n ministry siksawi tura a lo remtih tawh a tihkhawtlai zel vanga lungawi lo niin a tarlang bawk.

Central-a Congress party hotute chuan Manipur Congress party-a thilthleng endik turin ṭum hnih hruaitu a tir tawh a, mahse tun thlenga thutlukna mumal siam a ni lo a, party thilthleng endiktute chuan ministry siksawi chu Chief Minister thuneihna a ni, tiin an sawi thung.

Manipur assembly member 60 awmnaah rorellai Congress party hian MLA 48 a nei a, Chief Minister hian member 12 awmna council of ministers a siam thei a ni.