Dimapur-ah Army helicopter a tla

Indian Army helicopter, cheetah chu Thawhṭanni khan Dimapur district, Rangapahar helipad aṭanga a thlawh­chhuah dawnin a tla a, thi leh hliam erawh an awm lo.

Shillong-a Defence PRO Amit Mahajan chuan cheetah helicopter-ah hian pilot pahnih leh Army official pakhat an chuan thu a sawi a, Rangapahar helipad aṭanga a thlawhchhuah dawnah, feet 10-12 vela sang aṭangin a tla, a ti.

Kohima-a Defence PRO Lt Col Emron Musavi chuan helicopter-a chuang te chu him taka an chhuah thu sawiin, helicopter erawh a chhiat thu a sawi a, a chetsual dan chu chhuichian a nih tur thu a sawi bawk.