NRC update: AASU-in officer-te kaihhruaina siamsak phut

All Assam Students’ Union leh hnam hrang hrang aiawh pawl 26 chuan Assam-a National Register of Citizens (NRC), 1951 siamṭhat turah a buaipui tur officer te tan kaihhruaina dan siam an phut.

State NRC coordinator Prateek Hajela chuan Thawhṭanni khan AASU hruaitute leh pawl 26 hruaitute meeting a neihpui a, NRC update dan chungchang an sawi ho.

Tlawmngai pawlte chuan NRC siamṭhatnaah poltics a inrawlh an duh loh thu tarlangin, Election Commission-in inthlanpui neih dawna a buaipuitu officer te tana guideline a siamsak angin NRC siamṭhatna buaipui tur officer te pawh guideline siamsak an phut thu an tarlang.

AASU adviser Samujjal Bhattacharya chuan NRC siamṭhatnaah document dik lo tlawhchhana foreign mite telh an nih loh nan sorkarin a venna ṭha a siam tur a ni, a ti.

Bhattacharya chuan AASU leh tlawmngai pawl 26 te hian NRC siamṭhatnaa state sorkar thawhpui turin pawl din an tum thu an sawi.