Truck driver te'n tax office an hal

Meghayala-a truck driver lungawi lote chuan Pathianni khan Sales Taxes office leh weigh bridge an hal.

National Highway 40-a, Umsning weigh bridge-ah Tax office staff te'n kaltlang phalna an pekchhuah theih loh vang­in truck 100 chuang chu ni thum chhung dan khawtlai an ni tawh a, truck driver te chuan kar kalta Inrinni khan thuneitute chu chak zawka an harsatna sutkianpui turin an lo ngen tawh a ni. Mahse truck driver te hian thuneitute hnen aṭangin eng thu mah an dawn loh avangin Pathianni khan weigh bridge leh tax office hi an bei a ni.

Hetihlai hian thil­thleng mita hmutute chuan weigh bridge-ah truck tam tak endik ngai an nih avangin tax office staff te'n ni thum chhunga lehkhaw chinfel ngai an tihfelsak lo chu kalphung pangngai tak a ni, an ti.