Tripura-in Feb 6-ah Budget Session ṭan dawn

Ni 10 awh tur Tripura Budget Session chu February 6-a ṭan a nih tur thu Tripura sorkar official Thawhlehni khan a sawi.

Tripura Finance Minister Bhanu Lal Saha chuan financial year 2015-16 budget a pharh ang.

Business Advisory Committee (BAC) chuan session neih dan tur relin Thawhlehni khan meeting a nei a, session hi February 6 aṭanga March 3 thleng neih an rel. Budget session bik hian ni 10 a awh ang.

BAC member Congress MLA Gopal Roy chuan session-ah hian kum 2015-16 atana state budget pharh a nih bakah state sorkar enkawl tur, university dinna tur bill pawh pharh a nih tur thu a sawi.

University bill hi pass a nih chuan state sorkar chuan a enkawl turin Maharaja Bir Bikram University din a tum a, nakkum academic session thara hawn hman an tum. Tripura hian tunah Tripura Central University leh ICFAI University a nei.