India leh Bangladesh-in joint border conference an ṭan

India leh Bangladesh chuan Thawhlehni khan Agartala-ah joint border conference an ṭan.

Joint border conference-ah hian Tripura district paruka District Magistrate te leh Bangladesh lam ramri district pali-a Deputy Commissioner (DC) te an tel a, anni bakah hian ram pahnih border guard aiawhte pawh an tel.

West Tripura district District Magistrate Abhishek Singh chuan conference chu ram pahnihte'n ramria pawikhawihnate leh bungraw tlawhruk doletna atana thawh hona ṭha an neih nana buatsaih a ni, a ti.

Bangladesh Moulavi Bazar DC Md Kamrul Hassan chuan, ramri kâna sorkar phal loh bungraw tawlhruk te leh ruihhlo tawlhruk chungchangte an sawi ho thu a sawi a, heng thil tihtawp nan hian ram pahnih border guard te'n ṭangruala patrolling neih an rel thu a sawi bawk.

"Border Security Force (BSF) te leh Border Guard of Bangladesh (BGB) te chuan flag meeting ṭum emaw zat an lo nei tawh a, hetianga meeting neih hian thawhhona ṭha a siam a ni," tiin Hassan chuan a sawi.

Tripura leh Bangladesh ramria district thuneitute chuan January 9 leh 10 khan Agartala-ah meeting an lo nei tawh bawk.

Tripura leh Bangladesh hian ramri kilometre 856-a thui an inṭawm.