Sikkim-in Int’l Flower Fest huaihawt dawn

Sikkim sorkar chuan April emaw May thla hian 4th International Horticulture and Flower Exhibition huaihawt a tum.

Sikkim sorkar chuan kum tinin India ram pum huap emaw khawvel pum huapin flower show cum exhibition a huaihawt ṭhin a, nikum khan Saramsa Garden-ah India ram pum huapa huaihawtin, kumin hian khawvel pum huapin huaihawt a tum a ni.

State sorkar chuan Flower Fest-ah hian ram 12 aiawhte sawm a tum a, Sikkim leilung mawina bakah horticulture lama a thil tharchhuahte leh pangpar chi hrang hrangte ramdang mite hmuha phochhuak turin a inbuatsaih a ni.

International Flower Festival-ah pangpar leitute leh a hralhtute tan sawihona inkhawm buatsaih tum a ni bawk.

State sorkar chuan a ruahmanna chu Union Ministry of Horticulture hnenah a hriattir tawh bawk.