Dimapur-ah Delhi-a Kristiante biak-in suasam duh lohna lantir

Dimapur, Nagaland-a Kristiante chuan kar kalta Inrinni khan Dimapur BJP office kawtah tun hnaia Delhi-a Kristiante biak-in beih a nih vanga an lungawi lohna an lantir.

Dimapur Kristiante chuan thuziak hrang hrang- "Kristian nih kan hlau lo", "Modi ngawi loin hma la rawh" tihte, "Biak-in suasamtute hum tawh suh u" tihte leh "Sakhaw zalenna hnuaiah Hindu sakhaw kalphung a chungnung ber bik thei lo" tihte an tar a ni.

Lungawi loh lantirnaa tel Obangtemsu Aier chuan Nagaland Kristiante chuan, New Delhi-a biak-in suasam a ni ṭhin chu kan dem tak zet a, Delhi Kristiante biak-ina maicham hal chuan sakhaw tê zawkte an ngaihtheih lohzia a tilang chiang hle, a ti.

Dimapur Kristiante chuan Prime Minister Narendra Modi-a kaihhruai NDA sorkar chu India rama sakhaw dang dodaltute hmalaknaah inrawlh tura an phut thu an tarlang bawk.

Dimapur-a lungawi lohna lantirtu Kristiante chuan RSS leh BJP chu sakhaw dangte khawih buai zawnga hma la lo tura ngen turin Nagaland Governor PB Acharya leh Chief Minister TR Zeliang an ngen.