Assam-a buaina tuartute tan Tripura CPI-M-in nuai 16.92 khawnsak

Assam, Sonitpur leh Kokrajhar district-a nikum December-a chi leh chi kara buaina chhuak tuartute tan Tripura CPI-M party chuan cheng nuai 16.92 a khawnsak.

Tripura CPI-M secretary Bijan Dhar chuan kar kalta Zirtawpni khan he thu hi a sawi a, party local committee 244 chuan an huamchhungah ṭheuh pawisa an khawn a ni, a ti.

Dhar chuan pawisa chu CPI-M central committee hnena an thawn hmasak tur thu a sawi bawk. CPI-M central committee chuan Assam-a buaina tuartute tan India ram pumah vehbur a khawn beihpui a thlak mek a ni.

"Central committee chuan Assam CPI-M committee kaltlangin ṭanpuina sum hi a pe ang. Assam-a buaina tuartute hi sorkarin chhawmdawlna a pe ṭha lo hle a, Adivasi hnam mi eng emaw zat chu tun thlengin relief camp-ah an la awm a ni," tiin Dhar chuan a sawi.