China ramri-ah border infrastructure tichangtlung ṭan

Union Ministry of Defence Secretary R K Mathur chuan kar kalta Inrinni khan India-in hmarchhak biala China ramri-ah infrastructure tihchangtlun beihpui a thlak ṭan tih a sawi.

"Hmarchhak biala China ramri-ah border infrastructure kan tihchangtlun a ngai a, indo thleng thuta ram venhimna atan inbuatsaihna ṭha kan neih a ṭul a ni," a ti.

"Ram venhimnaah China nen thuthlung engmah kan nei lo a, mahse ramri humhalh kawngah erawh thuthlung kan siam a pawimawh a ni," tiin Mathur chuan, Prime Minister Narendra Modi-a'n May thlaa China a tlawh hunah ramri buaina chungchang sawilan a tum thu a tarlang.

Defence Secretary Mathur chuan India-in Israel aṭangin Unmanned Aerial Vehicle eng emaw zat a lei thu leh Israel Defense Minister Moshe Ya'alon-a'n tun thla hian India rawn tlawh a tum thu a sawi.

Mathur chuan India chuan a Bangladesh leh US nen defence exchange programme tam zawk a kalpui thu a sawi bawk.

Sorkar laipui chuan tun hnai khan Arunachal Pradesh-ah airport paruk hawn belh a nih tur thu a lo tarlang tawh bawk.