Agartala leh Dhaka inkara bus service titawp

Politics thila Bangladesh buaina vangin Tripura, Agartala leh Bangladesh khawpui, Dhaka inkara bus service chu tiam chin awm loa tihtawp a ni.

Transport operator, Shyamali Paribahan Ltd pawhin kar khata vawi thum Dhaka-a bus a service tir chu kar kalta Inrinni aṭang khana tihtawp a ni.

Tripura Road Transport Corporation (TRTC) Managing Director RM Malakar chuan, "Politics thila an buaina vangin Bangladesh lamin ni 15 chuang an rawn service tir tawh lo a, hei vang hian keini lam pawhin kan service kan titawp rih a ni," a ti.

Bangladesh khawpui pana tlan, TRTC bus pakhat chu kum 2012, September khan mipui thinrimin Dhaka bul, Narsindi-ah an hal a, Bangladesh chuan hriatsual palh vanga hal an nih thu an sawi.

Agartala leh Kolkata inkar hla lutuk pumpelh nan Agartala leh Dhaka inkara bus service hi kum 2003, September khan ṭan a ni. Agartala leh Kolkata inkar hi India ram chhunga kawngpuiah chuan bus-in kilometre 1,700-a thui tlan a ngai a, Dhaka lam aṭangin kilometre 530-a thui a ni.