Assam ramri buaina chingfel turin Meghalay CM phut

Meghalaya-a Regional Democratic Alliance (RDA) member-te chuan chief minister Conrad Sangma hmuin, Assam nena ramri chungchanga buaina an neih mek chu chinfel a nih thuai theihna tura inbiakna chhunzawm leh turin an phut. 

United Democratic Front (UDP) working president Paul Lyngdoh chuan CM hian an thil thlen hi ṭha taka a lo dawnsawn thu leh, an pawl thil ngaih pawimawh dangte pawh an thlen nghal thu a sawi. CM chuan ramri chung chang­ah hian Assam nen high level meet pawh an nei leh dawn tih a lo hrilh. Hemi atan hian document pawimawh hrang hrang buaipui turin advisory committee din a ni dawn niin Lyngdoh chuan a sawi bawk.