Union Minister Sitharaman-i'n Manipur a tlawh

Union commerce and industries minister Nirmala Sitharaman chuan ni hnih cham tura Manipur tlawhin, Thawhṭanni khan Imphal a thleng.

Sitharaman hian Imphal a thlen ni hian Imphal West district-a state sorkar­in 'trade cum permanent exhibition centre' buil­ding a sak mek a hmun­ah tlawhin, a endik nghal. Hemi hnu hian Imphal BJP office-ah party hruaitute leh worker-te nen inkhawm­hona an nei leh nghal a, chawhnu lamah chief minister leh senior minister te a kawm nghal bawk.

Union Minister te'n hmar­chhak state-a sorkar laipui project hrang hrang an endikna atana hmar­chhak state tlawh ṭhin tura Prime Minister Narendra Modi-a'n ruahmanna a siam tihpuitlin nan Union Minister Sitharaman hian Manipur a tlawh a ni.

Sitharaman chuan nimin khan Thoubal district, Kak­ching-a state sorkarin special economic zone project a kalpui­na atana timber park a siam chu a tlawh nghal bawk a, Delhi pan leh tura Imphal-a a let hmain ramri khua, Moreh a tlawh bawk a, hmasawnna hnathawh hrang hrang a en nghal.