Union Minister-in a huna UC thehluh pawimawh a ti

Union Agriculture Minister Radha Mohan Singh chuan Thawhṭanni khan Arunachal Pradesh tlawhin, centrally sponsored schemes (CSS) kalpui mekte a enfiah a, a hun taka utilization certificate (UC) thehluh a pawimawh thu a sawi.

Review meeting-ah Union Minister Singh chuan thu sawiin, agriculture department hnuaia hmalakna hrang hrangte a tarlang a, agriculture hmasawn nan KVK, ICAR leh ATMA mithiamte an thawh ho a pawimawh thu a sawi.

Union Agriculture Minister chuan loneitute chu tun lai thiamna mila hna thawh dan zirtir a pawimawh thu sawiin, farm school leh state pawna tour progamme buatsaihsak a pawimawh thu a sawi bawk.

Singh chuan Horticulture, fishery leh ran­vulh chu ei leh bara Arunachal dinhmun chawikanna remchang a ni, tiin a sawi bawk.