SC-in lungalhthei thubuai chingfel thuai turin NGT hriattir

Supreme Court chuan Meghalaya-a lungalhthei thubuai hrang hrang a buaipui mekte chu a rang lama chingfel turin National Green Tribunal (NGT) a hriattir.

Chief Justice of India (CJI) HL Dattu leh Justice AK Sikri te awmna SC division bench chuan Lber Laloo-a'n lungalhthei laichhuahna kaihhnawiha February 2-a petition a thehluh ngaihtuahin, NGT chu a rang lama thubuai chingfel turin a hriattir a ni.

Laloo hian Meghalaya-a lungalhthei khur neitute aiawhin NGT-in lungalh­thei laihchhuah a khap hlip tura ngenna petition Supreme Court-ah a theh­lut a ni. SC division bench chuan Laloo-a ngenna chu NGT thubuai ngaituah lai a nih vangin a hnawl a, mahse NGT lungalhthei thubuai tikhawtlai lo turin a hriattir ta zawk a ni.

NGT-in lungalhthei laichhuah a khap chu kum khat a tling dawn tawh a, kal zel dan kan hre lo a, SC-ah kan harsatna ka thlen ta a ni," tiin Laloo chuan a sawi.

Meghalaya Commercial Truck Owners and Operators Association (MCTOOA) president A Shanparu chuan, "NGT-in lungalhthei laichhuah a khap hlip tura ngenna chu SC-in a pawm lo a, mahse kan thu thlen chu ngun taka min ngaihtuah­sak avang leh a rang lama thubuai chingfel tura NGT a hriattir avang­in kan tan chuan thu lawm­awm a ni," a ti.