Rajnath Singh-a'n Manipur leh Tripura a tlawh dawn

Union Home Minister Rajnath Singh chuan Inrinni hian Manipur leh Tripura a tlawh dawn.

Home Minister Singh chuan Manipur-ah dan leh thupek dinhmun a enpui dawn a, Tripura-ah Bru raltlante Mizorama thawnkir dan a enpui bawk ang.

Singh hian Inrinnia Imphal a thlen hnuah Chief Minister Ibobi Singh leh senior security official te meeting a neihpui nghal ang a, meeting zawhah Tripura-a Bru raltlante leh Border Security Force (BSF) post ṭhenkhat a tlawh dawn bawk.

Tripura-ah hian Tripura Chief Minister Manik Sarkar leh Mizoram Chief Minister Lal Thanhawla te meeting a neihpui leh ang a, Bru raltlante thawnkir dang chungchang a sawipui ang.